دار الوسط اليوم للاعلام و النشر
الإثنين 10/3/1440 هـ الموافق 19/11/2018 م الساعه (القدس) (غرينتش)
أنا بعشقك....ياسر عكاشة اسماعيل
أنا بعشقك....ياسر عكاشة اسماعيل

أيوه بحبك
حمامه بيضا
وسط الشجر
فارده الجناح
وبحب فيكى
نخله وضله
وعيال بتجرى
وسط البراح
وعيونك المكحلة
بطمى نيلك
وضحكتك لما القدر
نور جبينك
دا انتى يامصر
نسيم بيسري
ف عروق ولادك الطيبين
ياللى القدر
ما بين كفوفك
كتب تاريخ العاشقين
وأنا بعشقك
انا بعشقك
ف عرق جبين
فلاح بيزرع
جندى بيحرس
عامل بيبنى ف مصنعك
بعشق صباحك
ف عيون بريئه
لصبيه رايحه المدرسة
بعشق مساكى
يأم الليالى
فيه النجوم
وسط الاحبه متونسه
أنا بعشقك