الإثنين 17/10/1444 هـ الموافق 08/05/2023 م الساعه (القدس) (غرينتش)
مجنونة البنت دهيه ....للشاعر فتحي نجم
البنت
اللي بقالها كتير..
بتعدي عليا
و تصمم تديني بطاطا
اتحرقت من جواها
لما لقتني..
ماليش في دماغها
ولا قلبي يساع الكورنيش
ولا كل العربيات..
الشايلة الحبييّبة
ليها مكان .. في طريقي
البنت إقتنعت
ان الواد اللي في أحلامها
لسه ماجاش
البنت اللي بقالها كتير
بتحاول تدخل تكويني
وتعدل من سيرأفكاري
خرجت بره الخدمة
من أول لمسة لمخي
البنت ماتعرفشي :
إن الكتالوج ربّاني
وان السلك اللامس عقلي
متوّصل على نبض النيل
مجنونة البنت دهيه
بتراهن على إيه ..ولمين ؟
2022-09-24