تعرض الفنان المصري أحمد حلمي، لموجة هجوم حادة بعد عرض فيلمه “واحد تاني” في صالات السينما ضمن موسم عيد الفطر.
فبعد ابتعاد أحمد حلمي، 3 سنوات عن السينما، رأى الجمهور أن عودته لم تكن بالمستوى المطلوب، وأنه خيب آمالهم بسبب الإيحاءات الجنسية الممتدة على مدى الفيلم.
وجاء في التعليقات : ” الفيلم خفيف مش جرعة كوميديا كبيرة لو متعشم في كده.. لكن للأسف الفيلم مليان إيحاءات واضحة وصريحة غير مقبولة تمامًا.. والغريب جدًا إن 70% من الإيحاءات ودي نقطة محبتهاش خالص عشان لو دخلته مع خطيبتك ولا أختك هتكون في قمة الإحراج.. فيلم مش عائلي خالص للأسف.”
وكتب آخر: “فيلم واحد تاني من افشل الافلام اللي دخلتها على الإطلاق مش بس بالنسبة لأفلام احمد حلمي. الفيلم ممل وبايخ اللي هو من الافلام اللي متفتحهاش لو جت في التليفزيون”.
كومبارسات
وتابع: “انت هتنخدع بكمية الابطال اللي معاه بس كلهم يعتبروا كومبارسات واحمد حلمي طالع من الجلدة للجلدة في كل للمشاهد”.
كما قب ناشط : “صعبان عليا الناس اللي دخلت فيلم واحد تاني. وصعبان عليا أكتر اللي لسه متعشمين في أحمد حلمي وكانوا فاكرين الموضوع مجرد تريلر سيئ مش أكتر!”.
وأردف آخر: “للأسف الفيلم مليان ايحائات واضحة وصريحه غير مقبوله تماما .. والغريب جدا ان ٧٠٪ من الكوميديا من الاايحائات. ودي نقطه محبتهاش خالص عشان لو دخلته مع خطيبتك ولا أختك هتكون فقمة الاحراج”.
وروى آخر ما حدث معه بسبب اصطحابه طفلاً في الـ12 من عمره، وقال: ” رايح ادخل فيلم احمد حلمي اتمنع علشان معايا طفل اقل من ١٢ سنة ويقولي حضرتك ممكن تدخل الفيلم والطفل يدخل فيلم علي ربيع زومبي !!! يعني حلمي مش مناسب للاطفال وعلي ربيع مناسب !!”.
بينما أكد متابع أنه استغرق في النوم بسبب الملل أثناء حضور الفيلم، وقال: ” فيلم #واحد_تاني وحش جدااااا سئ لدرجة تخليك تنام في الفيلم. محدش يضيع وقته ولا فلوسه عليه دي نصيحة .وحزين لاني بحب احمد حلمي جدا”.
وتدور أحداث فيلم واحد تاني حول أخصائي اجتماعي في مصلحة السجون يكتب تقارير عن حالة المساجين النفسية. ولاحقًا يقابل أحد زملائه الذي يدعوه لحفل يجمع زملاءهم القدامى ليكتشف الموظف أنه أفشل زملاء جيل. ويجسد حلمي دور رجل يدعى مصطفى.
كما يشارك في البطولة كل من عمرو عبد الجليل وروبي وسيد رجب ونسرين أمين وأحمد مالك ونور إيهاب ومحمد التاجي وعمرو وهبة ومحمود حافظ.
والفيلم من تأليف هيثم دبور، وإخراج محمد شاكر خضير.
