السبت 22/10/1444 هـ الموافق 13/05/2023 م الساعه (القدس) (غرينتش)
زغرتى يا تحية قبضت الجمعية/ليلى حجازى

  يا تحيه يا ولاد يا تحيه يا ولاد انا جيت.فى أيه با أبو حسين عامل غارة ليه يا خويا تعالى يا تحيه هاقولك على خبر هايفرحك خبر ايه خير يا رب ابو حسين بفرحة : ده خير قوى يا ام حسين انا النهارده قبضت الجمعية طب الحمد لله بس اوعى تنسى تروح تديهم لابو اشرف انت عارف الراجل اول ما طلبناهم منه عشان نعمل الحمام اللى كان هايقع على دماغ الجيران ما اتأخرش علينا أدانا الـ 500 جنية على طول مش عايزين نتأخر عليه ,لا أتأخر عليه أيه .ده انا عديت علية على القهوة قبل ما اجى

طب الحمد لله يا اخويا ربنا يسدد ما عليك و يا رب يكون ليك ما عليك . اقوم انا اشوف الغسيل استنى بس غسيل ايه ؟

خدى يا ام حسين ايه ده يا خويا حدى بس قولى جبت الـــــــــ50 جنية دى منين اول ما العيال سمعوا سيرة الـ 50 جنية جم جرى اصل الجمعية يا ستى طلعت 550 و اتارينا كنا حسبينها غلط يا ما انت كريم يا رب قولى لى بقى هانعمل ايه بالـ 50 جنية اقولك احنا نشيلهم انت بتشوف لما حد من العيال بيعيا بنحتاس بيه لا يا بابا مش عايزين نشيل حاجه اخرس ياواد منك ليه انا برضه من رأى العيال الفلوس دى احنا ما كناش عاملين حسابها يعنى جت من باب الله . انا شايف اننا نتشبرق بيها نتشبرق بـ 50 جنية انت اتجننت يا راجل احنا نشيلهم احسن بيقولوا البلد داخلة على ايام سودا و فيه انفلونزا خنازير افرض حد مننا لقط ما نعرفش ساعتها نعالجه انفلونزا اللى انتى شايله همها يا وليه يا خلل امال الحكومة بتعمل ايه انا قولت هانصرفهم يعنى هانصرفهم طب خلاص مادام مصمم تصرفهم يبقى تجيب لك جزمة جديدة بدل الجزمة اللى دابت فى رجلك دى جزمة ايه ما الجزمة زى الفل اهى هى كانت اشتكت لك ما اشتكتليش انا بس اشتكت لعبده الجزمجى اخر مرة قاللى لو دقينا فى الجزمة مسمار زياده هاتفجر نفسها و تخلص من القرف اللى هى فيه و النبى قولى له يتلهى . هو يعرف يجيب زيها . بلا جزمة بلا زفت انا باقول نعمل بكرة غدوة محترمة بالفلوس يا لهوى غدوة بخمسين جنية ليه . انت اتجننت يا راجل ايوه يا بابا ربنا يسترك احنا عايزين نعمل اكله حلوه و النبى اكلة ايه يا منيل انت و هو . يا ابو خسين اشترى لك جزمة احسن الاكل ده كله فى الاخر سد جوع و ما حدش شايف بناكل ايه و هى الناس مالها انا عايز اجيب اكله حلوة للعيال يا راجل الناس ليها الظاهر و المثل بيقول ادخل على الناس معرش و لا تدخل مكرش معرش ايه و مكرش ايه يا ام حسين خلينا نفرح العيال و النبى ما تكسرى بخاطرهم اه و النبى يا ماما طب خلاص عايزين تاكلوا ايهايه رايكم يا عيال نجيب كيلو لحمة و نطبخ لحمة ايه لا يا بابا العيد قرب و عم سلامة الجزار اكيد هايجيب لنا لحمه . احنا نفسنا فى الفراخ نفسكم فى الفراخ !!! امال لو ما كنتوش واكلينها الاسبوع اللى فات و هو انتى بتسمى اجنحة الفراخ اللى بتأكليها لنا دى فراخ احنا عايزين فراخ بحق و حقيقى دلوقتى الاجنحة ما بقيتش عاجباكم يا نمرود منك ليه ايوه يا ماما عايزين فراخ و يا ريت بقى تعمليها لنا زى ام حماده ما بتعملها لهم و ام حماده بتعملها ازاى ان شاء الله امه بتحطها فى البيض و بقسماط و بتقليها بيقول بتبقى طعمها حلو قوى العيال كلهم فى نفس واحد ايوه يا ماما اعمليها لنا كده لا بقى مادام الكلام على فراخ يبقى حلة محشى كرنب لكن بيض و ما اعرفش ايه ده ما يلزمناش . فرخة يعنى مرقة و محشى و لا ايه رأيك يا ام حسين و هو انت محروم من المحشى يا راجل لأ مش محروم لكن على مرقة الفراخ اكيد غير لما يبقى اورديحى خلاص يبقى محشى و فراخ و ما تنسيش الملوخية يا تحيه و ملوخية كمان عشان عيونك هو انا ليا اعز منك يا ابو حسين تسلمى لى يا غاليه يا سلام دى هاتبقى ليله يا عمده هههههههههههههه تانى يوم الصبح ام حسين بتصحى مرزوق عشان يروح الشغل يا مزروق يا مرزوق قوم يا راجل هاتتأخر على الشغل لأ شغل ايه انا مش رايح النهارده مش رايح ليه ؟

انت عيان كفى الله الشر لأ مش عيان بس قاعد مستنى المحشى و الفرخة فرخة ايه اللى هاتقعد لها قوم يا راجل شوف اكل عيشك ياتحيه سيبينى الله يسترك انام كويس عشان اقوم اساعدك و كمان انا مش عايز اسرح النهارده و البلدية يغيروا دمى و اجى فى الاخر قرفان ما اعرفش اتهنى بالمرقة يا دى النيلة على المرقة اللى هاتجننك يا ستى سيبينى الله لا يسيئك و انزلى انتى هاتى الحاجة خلاص براحتك عيشنا و شوفنا الراجل هايجرج فى البيت عشان الفراخ و هو انتى كنتى شوفتى الفراخ فين قبل كده طب نام يا اخويا نام اول ما تيجى تصحينى عشان اشوف الفرخة ام حسين نزلت السوق جابت الكرنب و الملوخية و مستلزمات المحشى من خضرة و رز و راحت طالعة على الفرارجى و لاول مرة تدخل المحل بقلب جامد و منفوخة على اخرها ما هى كل مرة كانت بتتكلم بصوت واطى و تدخل متدارية عشان ما حدش من الجيران يشوفها و هى بتجيب الاجنحة عايزة فرخة يا حسن تكون قد ايه يا ستى عايزاها كبيرة الراجل وزن لها الفرخة و نضفها بالهنا و الشفا يا ستى يا ابو حسين قوم اصحى يا راجل جبتى الفرخة يا تحيه اه يا مرزوق جبتها وريهالى كده يا سلام يا سلام دى اكيد هاتطلع مرقة ما حصلتش و قعدت ام حسين و ابو حسين يقطفوا الملوخية سوا و يحلموا بالمحشى على شوربة الفرخة لحد ما سمعوا صوت حاجه بتترزع فى المطبخ جريوا هما الاتنين على المطبخ لقوا الحلة الى فيها الفرخة واقعة على الارض و الشباك مفتوح بيبصوا من الشباك لقوا قطة ماسكة الفرخة بسنانها و بتجرى ابو حسين طلع جرى و دخل فى سباق 100 متر حر مع القطة انه يقدر يحصلها و ينقذ الفرخة لكن ما قدرش طبعا ام حسين قعدت تعيط على الفرخة اللى ما لحقوش يتهنوا بيها و على الـ 50 جنية اللى راحت بلاش ده غير العيال اللى اتنكدوا ده حتى الواد حسين لقوه واخد السكينة و مصمم يدبح قطط الشارع كله بعد ما اضطروا ياكلوا المحشى اورديحى زى كل مرة ابو حسين قال لام حسين دى حتى القطة بنت اللذين ما صبرتش لما كنا نسلقها و خطفتها نيه و كان ايه الفرق يعنى اهوه كنا ندوق المرقة بتاعتها على لاقل يا دى المرقة اللى جننتك مش انت اللى قعدت تنق فيها و هاتبقى ليلة يا عمده أهى الفرخة طارت يا ابو العريف

2013-09-24