الخميس 9/10/1445 هـ الموافق 18/04/2024 م الساعه
(القدس) (غرينتش)
اسمك/ بقلم لبنى دانيال
إسمكْ خيلْ وليلْ وميلْ
على غيمة صغيرة بهالسيلْ
إسمك طاير على تشرين
بيغزل فكرة بلا قوانين
بيغزل ناطور البساتين
بيكتب على ورقة ياسمين
انك باقي بالهوا باقي
ووجهك مَيِّة هالسواقي...
إسمك غالي وعالي فوق
إسمك نار وحرقة وشوق
أسمك مكتوب عنهار
بيطلع على شرفة هالدار
ولما تشتي خبار وغار
بِتفرِّحْ قلب اللي اختار
الحب وإلفة وكوم اسرار
اسمك ببني حجار حجار
محفورة ببيتي وبيتك يا جار
وجاري ويا سيدي الختيار
تعالوا نمشي هالمشوار...
اسمك عجبين الأنهار
اللي بتجري ليل نهار ...
اسمك عجبين الثوار ...
حكاية وما بتخلص بنهار...
اسمك كل البدايات ...
اسمك بقلبي حكايات ...
لما بشوف اسمك أطياف ...
بركن راسي على أكتاف
اسمك اسمك ...ولا ما بخاف ...
اسمك قوة واسمك نسيم الأرياف
2013-10-28
منذ 4 شهور / أشهر
منذ 6 شهور / أشهر
