رام الله - الوسط اليوم- استنكر نشطاء على موقع التواصل الاجتماعي "تويتر" التصريحات التي أدلى بها الدكتور هشام قنديل رئيس الوزراء وطالب خلالها المواطنين بارتداء الملابس القطنية، وتخفيض عدد التكييفات، والتجمع في غرفة واحدة لترشيد استهلاك الكهرباء.
وقال الكاتب بلال فضل في تعليقه على مطالبات رئيس الوزراء: "الدكتور هشام قنديل رجل أصولي يطالب الشعب بأن يعود إلى تلك الأيام الخوالي التي كان الذكور يجلسون بالفانلة واللباس في الصالة لأكل البطيخ"،
وعلق أحد مستخدمي موقع "تويتر" قائلا:"أن هذه التصريحات هى عاقبة تعيين رئيس وزراء غير سياسي لا يمكنه تقدير ما يُقال للناس أو لا يقال. بينما وصف مستخدم آخر الدعوة بأنها حلول عبثية لترشيد الإنفاق دون حلول حقيقية من جانب الدولة التي رمت بالمشكلة في صف المواطن دون أن توضح دورها في حل الأزمة.
ورصدت البديل عددا من تعليقات النشطاء حول دعوة قنديل أبرزها:
- واحد بيقول لصاحبه حلمت أبويا الله يرحمه لابس أبيض ف أبيض حاجات قطن كده.. قاله يبقى الكهربا حتقطع عندكو النهاردة
- اشتكينا من الزبالة، قالولنا انزلوا نظفوا انتوا، اشتكينا من الكهربا قالك البسو قطن، المصيبة بقى تشتكي من الصرف الصحي يقولك البسوا بامبرز !
- لما رئيس الوزراء يقول إن حل أزمة الكهرباء إنك تلبس ملابس قطن أحب أقوله يبقى مكانك مش هنا. البنك الأهلي هيساعدك تفتح محل ملابس داخلية
- أنا من جيل شاهد إعلانات ست سنية.. سايبة المية.. ترخ ترخ من الحنفية.. حرام ياست سنية..بهدف لترشيد استهلاك المياه
- بما إن هشام قنديل رئيس الوزراء شايف أن حل مشكلة الكهرباء إن احنا نقعد في أوضة واحدة يبقى أكيد حل مشكلة المية ان إحنا نستحمى مع بعض
- مرسي أخد مننا توفيق عكاشة، وادانا هشام قنديل.. عوض الصابرين يا ريس
- ‫هشام‏ قنديل للمصريين: البسوا قطن.. المصريين: أحبوش.. قنديل: أحبوه.. المصريين: احبوش.. قنديل: علشان خاطر النهضة أحبوه
- في السنة اللي أمريكا نزلت مركبتها علي المريخ، رئيس وزراء مصر بيطالب المواطنين أن يقلعوا ملط أو يلبسوا بوكسرات قطن ويقعدوا في أوضة واحدة
- قنديل بيطلب من المصريين لبس قطن ونقعد فى أوضة واحدة.. "يا باشا اللى بتقولوا ده عيب وحرام"
أبرز التعليقات: بما إن حل مشكلة الكهرباء إن احنا نقعد في أوضة واحدة يبقى أكيد حل مشكلة المية إن إحنا نستحمى مع بعض
قنديل بيطلب من المصريين يلبسوا قطن ويقعدوا فى أوضة واحدة.. " يا باشا اللى بتقولوا ده عيب وحرام"

واللى معندوش تكيفات ,, ولا قادر يجيب ملابس قطنيه بتقطعوا عليه االكهربا ليه ؟

http://www.youtube.com/watch?v=QTQmDDWEah4&feature=relmfu

المرصد