الأربعاء 2/3/1444 هـ الموافق 28/09/2022 م الساعه (القدس) (غرينتش)
قال بيحكوا ع التأمين...زاهد عزّت حرش

 يَا إللِّي بْتِحْكِي عَلَى التَأمِيْن

آخِرْ كُلْ شَهِرْ تَعَى شُوّفْ

كِيّفْ بِيِكُونُوا مِجْتِمْعِيّنْ

عَ الصَنْدُوّقْ صْفُوّفْ صْفُوّفْ

حَتَى إللِّي قَطَعْ التِسْعِيّنْ

مِن الّحَاجِي جَايِّ مَلْهُوّفْ

إلّبَيّتْ الّفِيُوّ جُوّعَانِيّنْ

شُوّ فِيّكْ تْجِبْلُنْ مَصْرُوّفْ

دْمُوّعْ النَاسْ الّمَقْهُوّرِيّنْ

دَرْبُنْ بِالشَقَا مَرْصُوّفْ

مِشْ مِنْحَه هِيّدَا التَأمِيّنْ

وَلاَ عَامِلْ لَحَدَا مَعْرُوّفْ

هِيّدَا تَوّفِيّرْ مِنْ سْنِيّنْ

مِنْ عَرَقْ الشَعْب الّمَخْطُوّفْ

عَامِلّيِ حَالَّكْ لِينِيّنْ

ويَا دُوّبَكْ تِطْلَّعْ خَرُوّفْ

مَا بِعُمّرَكْ دَافِعْ مَليّنْ

وشَعْرَكْ مِنْ بُخْلَّكْ مَنْتُوفْ

عَلَى حَكْيَكْ بَحْلِفْ يَمِيّنْ

بْتِقْشَعْ لَكِنْ مَا بِتْشُوّفْ

لَوّ عِنْدَكْ ذَرِةْ يَقِيّنْ

شُجَاعْ وّرَأيَكْ مَوّصُوفْ

كُنَا عْرِفْنَا إِنْتَ مِيّنْ

وّصُرْنَا حَوَالِيّكْ إِنْطُوّفْ

الّحُكُوّمِيِ فِرْقِةْ مَجَانِيّنْ

بْتِلّعَبْ فِيِنَا بِإِسْمْ الّخُوّفْ

بْتِرْفَعْ أَسْعَارْ التَمْوُيِنْ

وصَاَرْ بِدْهَا الّمَعِيِشِيِ ألُوّفْ

يَامَا فِي نَاَسْ مَسَاكِيّنْ

عَمْتُلّطُمْ عَلَى خَدَا كْفُوّفْ

رْجَاَلْ السِيَاسِيِ حِلّوُيّنْ

بِيّغَنُوا يَا لِيّلِي آُوّفْ

مَا بِيِحْتَاجُوا لَتَأمِيّنْ

جْيّوُبْهُنْ مَلّيَانِيِ بِألُوّفْ

طُزْ بِعَرَقْ الّمِحْتَاجِيِنْ

بِالّفُقَرَا والّمُقْعَدِيّنْ

الزَعَامِيِ فِي عِنْدَا ضْيُوّفْ

 

كانون أول 2015

  1. مؤسسة التأمين الوطني

 

 

2015-12-11