الخميس 6/2/1442 هـ الموافق 24/09/2020 م الساعه (القدس) (غرينتش)
كلمات بعنوان : عامل .. قيمة !...محمد حلمى مصطفى

كلمات بعنوان : عامل .. قيمة !

يا كل عامل .. إنت اللى عامل .. للصنعة قيمة !

من غير ما اجامل .. الكل قايل .. قيمتك عظيمة !!

دكتور سباكة .. أستاذ حياكة ..

نجار ولُقطة .. ميكانيكى أُسطى ..

حريف سواقة .. وخبير حلاقة ..

والكهربائى .. وياه تلاقى ..

الضلمة ضي .. والحلو جاي ..

مع أحلى شيف .. جنب الرصيف ..

رافع قمامة .. أصل الشهامة ..

والقهوجى .. والبوهيجى ..

وفى كل حتة .. تلقى البقية ..

ما بين صنايعى وفواعلية ..

بنية صافية .. وقلوب سليمة ..

يا كل عامل .. إنت اللى عامل .. للصنعة قيمة

=-=-=-=-=-=-=-=-=-=-=-=-=-=-=-=-=

محمد حلمى مصطفى

الأسكندرية – جمهورية مصر العربية
=-=-=-=-=-=-=-=-=-=-=-=-=-=

2017-04-28