الإثنين 13/10/1440 هـ الموافق 17/06/2019 م الساعه (القدس) (غرينتش)
عصفور كناريا انشغل.....شعر/رشا محمد

 عصفور كناريا انشغل بالكدب عن عشه 

عصفورته ندهت عليه وقالتله بيغشوا 
قال لا دي غيرة طيور ما تحب من قاسموا 
وراح كناريا اتصاب برصاصه نسي إسمه !

وقف وحيد ع الفرع يبكي على نفسه !
نسي هو مين او فين ولا حد بيأنسه !

عدت عليه بحُسنها وبود قالتله 
من باع في يوم النفيس
سهم الرخيص مسه 

قال تقصديني انا ؟
قالتله مين غيرك ؟
ناسي إللي كان منك  وكمان ناكر طيرك؟

فايرد صوت مبحوح ويقول انا مجروح
طالب تداويني 

فاتقول دواك ع الفرع 
لما الكمال كان فيك 
 والعقل بيوعيك 
خُنت إللي اخدك شرع 

فايقول بلاش اللوم واحنا ولاد اليوم

فاتقول ماكانش اتعز 
عقلك غلب قلبك 
والحب فيك اتهز 

عيش الحياه تاني 
كناريا بيعاني 

إبدأ ميلاد اول وارفض قيود تاني 

 حميت هواك م الآه 
وانت إللي  ليها هاجرت !

عشك في قلبي ملاه 
بالحب طيرتاني 

عشك في قلبي اتهدم 
والماضي بكاني 
 وعلي جرحي هتحاسب

خليك لوحدك هنا 
مش قولتلك حاسب ؟
وارجع بابي موارب ؟
وكلامي ما سمعته ؟

مش قلت هيغشوا ؟........

عصفور كناريا انشغل بالكدب عن عشه

 

 

............................................ 

قصيده بعنوان 
(عصفور كناريا انشغل )

شعر/رشا محمد حسن 
الشهيره
  رشا _الروسى

2018-10-13