سيدات الارض احنا
امهات الارض احنا
من ارض كنعان جينا وابتدينا
ومن سما كنعان بالحب ارتوينا
...............
من تراب الارض حنينا الجدايل
ومن سكن طابون رودنا المكاحل
من زهر اذار طرزنا الثياب
وقبعة وسبت جدلنا السنابل
................
احنا الشقائق تتمايل خجل
وحنا الزنابق بتحب الغزل
وعند الشدايد احنا المرجلة
عزم ووصبر كالخيل الاصايل
................
احنا الاخت وحنا البنت
وحنا الحبيبة عالعهد
نحمي القيامة والمهد
والصخرة والاقصى الحزين
من الناصرة احنا....من المثلث والجليل
ويافا وعكا .... وصفد واللد والرملة
..وحيفا وكرملها الجميل
..................
نهدي لغزة هالوجع......ولنابلس نهدي الحنين
ورام الله بترد الوجع...اريحا ..وطولكرم وجبال الخليل
وبيسان لوح للمرج....يغزل بحبات القمح
كوفية للثوار بسهولك جنين
للي رحل من غير كفن
واللي زنازينه الوطن
واللي تيتم من صغر
واللي على حضني قتيل
.......................
وانت يا ستي يم علي....طعميني بالزعتر قرص
طرزي لي ثوبي وجدلي....وحني اديي للعرس
وعلميني كيف اعمل طبق....وسلة وسبت وقبعة خبز
وعلميني اغزل للشهيد....ً..حطة وعلم وزينة فرس
.................
رحمي ورحم الارض...... باذار وبنيسان
رح ينجب الحنون.....والحبق...والنوار
ويعزف الحسون....ويهدل حمام الدار
ويغني ويعتب.......عالميجنا. والاوف.
ويا ابو الزلوف......نفديك
احنا......بنات كنعان
نعيمة الأحمد
