الثلاثاء 2/8/1442 هـ الموافق 16/03/2021 م الساعه (القدس) (غرينتش)
مصر الكنانه ..محرم السغدني
مصر الكنانه ..
والأمانه ..//
وحبتين الحلم فى زمن الخيانه..//
مصر الجلابيه ..
ومشربيه ..
وحبة عرق ..
ممسوحين فى المغربية ..
فوق جبين بيعز نفسه ..
وسط إعصار المهانه //
مصر مش حبة بدل متحفلطين ..
ومصدرين الطرشه ..
عايشين على
دم الغلابة //
ولا بنت بايعه نفسها على عشان تعيش ..
وتقول مافيش ..
قافلين علينا حتى خرم الابرة ..
يا ملوك الدعاره
والاستهانه //
مصر مش دستور عشانكم ..وحدكم ..
ولا برلمان ..مفروش بدم
المطحونين ..
ولا حبة الدولارات بتوعكم يقدروا
لو مر 100مليون سنه
يدبحوا فينا
الكرامه //
مصر دى من نبضنا ..دمنا ..
فى الاصل روح ..عماله تنبض فى الوريد ..
عيشوا حياتكم كما كنتوا
محددين ..
والفجر الاخضر فجرنا ..
مبقاش بعيد ..
ومسيرها تصدق شمسنا ..
ويجينا عيد
2021-03-15