السبت 5/3/1444 هـ الموافق 01/10/2022 م الساعه (القدس) (غرينتش)
بوسي: معرفتش إن أبويا مات غير بعد الدفن بيومين

قالت المطربة بوسى إنها لا تحب الحديث عن حياتها الشخصية على منصات التواصل الاجتماعى، موضحةً: «أنا مبحبش أرد على الشائعات ومش هرد على حاجة، أنا بتكلم عن شغلى بس». 

وتابعت بوسى: «اتفقت مع زوجى على أن يرد طليقته لأنى عارفة قيمة الضنا، وأولاده أصحاب ابنى، ولما اتجوزنا كان منفصلا عن مراته من فترة، وعمرى ما هتجوز راجل وعلى ذمته واحدة تانية».

وأضافت بوسى، في مداخلة هاتفية مع الإعلامية بسمة وهبة مقدمة برنامج «90 دقيقة»، على قناة المحور: «الناس بتشتمني وبتغلط فيّ من غير ما تعرف عني حاجة أو تتحرى عنى، ولا أفهم سر انشغال السوشيال ميديا بحياتى الشخصية».

وتابعت بوسى: «اللى بيقول باباها ميت غضبان عليها، إيش عرفك؟! إنت كنت من بقية أهلي، ليه بتدعوا الكلام؟! المشكلة إن الكلام من زمايلى اللي واكلين عليّ عيش وملح، الكلام ده طلع من زميل ومش هقول اسمه زعلان مني عشان معزمتهوش على الفرح».

وواصلت: «الناس إيه اللي عرفها إن في مشاكل، أنا متطلقتش وحياتنا مستمرة وممسحتش صورنا مع بعض، ومنزلتش غير صورنا في الفرح، والله العظيم ما مسحت صورنا، أمسحها ليه؟! حياتنا تخصنا مش تخص حد تاني»، مضيفة: «بالنسبة لأبي، فقد تصالحت معه قبل وفاته، ولم أعلم بوفاته إلا بعد الدفن بيومين».

2022-09-14