الجمعة 8/5/1444 هـ الموافق 02/12/2022 م الساعه (القدس) (غرينتش)
شوفت الست بتعمل ايه....إنتصار سليمان ابو طة

 
شوفت الست بتعمل ايه


بتبيع عيش والوش بشوش ياما تاهت في الزحمة وشوش
شايلة الطاولة وبتجرى فى زحمة
فى الدنيا ياما ناس مش راحمة
بتكسب ايه دوبك دى قروش
ست ف نظرى بميت راجل
يا ما رجال قاعدة ووحوش
عينك بس عليها يا عم
دى حورية بس شايلة الهم
ابعد عنها يا عم وروح
مش نقصاك مليانة جروح
بتربى عيال والا صغار 

لو راجل غيرها كان انهار
شايلة الحمل ليل ويا نهار
ساكنه في اوضة جوة سطوح
تصحى الفجر وتنزل جرى
واخر الليل ترجع وتروح
لو طايلة الراحة هترتاح
لكن مين ف الدنيا ارتاح 
 

 
2022-09-26