الأربعاء 12/10/1444 هـ الموافق 03/05/2023 م الساعه (القدس) (غرينتش)
صلوا على العدنان...إنتصار سليمان


شهره ربيع واذدهر
واليوم مش عادى
وامنه جابت ولد
المصطفى الهادى
يوم مولد المصطفى
كان فى ربيع اول
نحكى ونتحاكى فى
فى نوره م الاول
الاتنين مليان بالصفا
ربيعه ملا الأركان
حبيبي لما اتولد
كان بشرى من الرحمن
وانشق له القمر
من حسنه وجماله
وجذع النخله بكى
لما النبى جاله
نار المجوس انطفت
وظلم كسرى راح
والعدل عم وانتشر
فى ارض كلها براح
خير البشر قد ظهر
ونور نبينا اهو بان
حبيبنا شمس الهدى
صلوا على العدنان

 


بقلمى. إنتصار سليمان
اللهم صل وسلم وبارك على سيدنا محمد وعلى اله وصحبه وسلم اجمعين

 

2022-10-06