الثلاثاء 11/10/1444 هـ الموافق 02/05/2023 م الساعه (القدس) (غرينتش)
بعترف....جيهان النجار
===========
انا باعترف اني وصلت لمنطقة مافيهاش حياه
بترفض الحب
واى شوق يحضر معاه
مالقتش فيها للحس صوت....
مالقتش فيها كتير حاجات
انا كنت أول حي يوصل من طريق الحب لحدود الممات
الحب عاوز قلب
من نوع مختلف
الحب عاوز معجزات
وباعترف ....أنك
رفضت تقدره وتفكر حتى.....في ممكنات
كان احتياجك...... أحتياج
...... ولسه برضو باعترف
كان دوري صعب ومختلف
فاتخلق بينا الخلاف
انا كنت محتاجة ائتلاف
انا كنت ثورة عايزة نور عايزة تعيش
عايزة كرامة وعايزة عيش كانت بسيطة وممكنة
بس انت قولت ههدها..... قولت مافيش
وانا احتياجي كان نيون ....واسم واضح
ع الافيش
كان كل شئ بينا حقيقى مختلف
انا كنت لازم
اعترف
واطلع قوام من
هذا الكدر السخيف
دوري ضعيف
ماقدرش
يمثل حضرتك
ويضحى اكتر
م السنين
ماكنش في
1٪ محتمل ولا عندى ذرة تحتمل
غير أننا لازم نضحي بالجنين
وانك تعيش..
وحدك تعيش
كنت انت صاحب القرار...ولعبت بيا
استني...... شوية
ع ........الانتظار
انا كنت كارت وانت نار وحرقت كل الوقت فيه وحذفتني......
وانا لسه....
ع الشاشة انتظار
ومني هذا الاعتراف
اني رسمت كل الخطط
وسيبتك تاخد القرار٠
2022-12-12