السبت 15/10/1444 هـ الموافق 06/05/2023 م الساعه (القدس) (غرينتش)
فوضي ما قبل الاذان....بقلم الأسير :- مراد ابو الرب

 الف تحية للشب الأسير الي قاعد بستني الأذان ,,,

وهو ضايل ساعات ,,,

بطبخ طبخة الافطار لاخوته الي بستنوا بالأذان ,,

طبخ و جهز طنجرة المقلوبة ,,,

والشوربة كمان ,,,

وشوية سلطة والبان ,,,

بس ما الها ريحة زي الي كانت امي تعملها ,,,

يمكن عشان في نقص بالمكونات ,,,

وكمان ما ننسى نفس الأم لحاله بسد عن كل البهارات ,,,

ساعة وبكون الأذان ,,,

واحنا مقسمين ,,,

يعني في ناس بعدها بالساحة ,,,

بتحاول تعرف شو طابخة بقية الغرف ,,,

واحد بحكي لثاني ابعتلي صحن شوربة !! ,,

والثاني بحكي بدي ابعتلك صحن من الي عاملينو الشباب ,,,

شباب بتلف بشكل دائري ,,,

وناس بالنص رايحة جاية ,,,

لأنه ساحة سجن عسقلان صغيرة !!

وبيحكو مع بعض ,,,

وبالزاوية على المقعد الحديدي في شباب امراض"  ما بقدروا ،،،

 يصوموا مأخذين زاوية وبدخنوا بالسرقة !! ,,,

مراعاة للصائمين,,,

وناس بتذكر ربها و ناس بتلعب رياضة ,,,

واحد بنادي على الي بالكنتينا وبقوله :

الله بعينك بدنا علبتين فول للسحور ,,,

ولما يفوت الشباب على الغرف ما بتسمع غير اصوات !!

شب صحي على الصوت السكينة ,,,

وواحد تاني على صوت الابواب وهي بتفتح وبتسكر ,,,

وشب ثاني بقول قديش ضايل للأذان ,,,

شب بيستلم المشروب ,,,

من المردوان ,,,

و المردوان شب بيشتغل طول النهار ,,,,

بدون اجار .. الله يعطيه العافية ,,,,

وهو الي بيوزع المشروب والسحور وبنقل بين الغرف صحون الاكل والحلويات

شب بيوقف على الباب من جوا الغرفة وبقول

يا شباب شامم ريحة عوامة !!

ما تنسونا !!

شب بيصرخ وبيقول

اهدا .. خلينا نسمع الأذان !!!

شب بيحكي وينك ووين الأذان

بدو نص ساعة اذا مش أكثر

شب بيوزع التمر وشب بصب العصير بالكاسات والشوربة على طاولة قبل الاذان

شباب هاي عن روح الشهداء هيك قال الشب الي على الباب

شب بيصيح حط ع تلفزيون فلسطين

قرب الأذان

شب بنادي على المؤذن

وبقول

يا حبيبي والله أذن

و المؤذن برد وبقول

صبرك !!! يا بو الشباب !! فرق توقيت والي صبرك طول اليوم

بصبرك كمان .

شب حمل السيجارة وحضر كاسة قهوة ..

وثاني ببرد صحن الشوربة

صاح المؤذن وقال :

الله اكبر !!

وبلشوا الشباب .. الي بدخن .. والي بشرب شوربة .. وبعدها الصلاة.

بنصلي وبنلتم على الطاولة و ببلشوا الشباب بالأكل

شب بقول تسلم ايدك

وشب بقول على شوووو !!

وشب بقول أن شاء الله رمضان الجاي بنكون بين الأهل والاحباب

وبعدها ...

الجلي على مين يا شباب !! والشطف لا تنسوه كمان !!

صحن بنكسر من هون .. و كاسة بتنكب على الأرض من هون

وبعدها كل واحد بحط سماعة على ذنيه

وببلش الي معو ريموت يقلب هون وهون

شب بقلو اثبت على تلفزيون فلسطين حولتنا !!

إتحدى الحادي

والي بعرف الزجل بصير يعيد ورا صهيب واكرم

والي بتكون الحلقة من بلدو بصير ينط ويشط

صافن ما بعرف حدا !!

شب بحكيلو شو إن شاء الله عرفت حدا !!

وبعدها بنصلي التراويح بس ما بخلى الأمر من لقمة من هون أو قطعة حلوى من هناك

و الكل اكل وهيك بتنتهي الفوضى الي قبل الاذان

وبعم الهدوء ..

وبصيروا يرجعوا شريط الذكريات !!

ودعوة من هون و دعوة من هناك !!

وبنقول الكم :

الله يديم اللمة و الجمعة لأنو ما في احلى من اللمة برمضان ولا تنسونا من الدعاء ..

2023-04-13