قام رجل وزوجته ببيع طفلتهما الرضيعة عبر موقع التواصل الاجتماعي “فيسبوك” مقابل 150 ألف جنيه.
في التفاصيل.. تم رصد إعلان بيع على تطبيق فيسبوك تحمل اسم “صحاب يعني” لطفلة رضيعة بمقابل مادي.
وبعد البحث والتحري، تم الوصول الى صاحب الصفحة، وتم التواصل معه عبر أحد المصادر السرية.
أكد صاحب الصفحة رغبته ونيته في بيع طفلة حديثة الولادة تبلغ من العمر يومين، مولودة بتاريخ 9 مارس 2023 مقابل 150 ألف جنيه.
جاء الشخص الذي نشر الإعلان لمقابلة في دائرة قسم الهرم، وتم اعتقاله أمام موقف ميدان الرماية.
وقال الأب الذي عرض طفلته للبيع على فيسبوك: “أنا متجوز وعندي 3 عيال وللأسف معرفتش أربيهم كويس، ولا حتى أعلمهم، فكنت أنا ومراتي بسمة متفقين إننا مش هنخلف تاني، خصوصا أن الأوضاع دلوقتي بقت صعبة وفلوسنا قليلة علينا، لكن اللي حصل أن في نص سنة 2022، عرفنا أن مراتي حامل، فإحنا اتفقنا إننا هنسقط الجنين بس لما رحنا لدكتور قال إن ده ممكن يكون في خطر على حياة مراتي فمسقطناش الطفل، بعد كدة فكرنا في أن ناس كتير مبيخلفوش، ونفسهم في طفل، فاتفقت مع مراتي أننا نعرض الطفل للتبنى لما يتولد، وبكده نكون اديناه لحد ممكن يربيه أحسن مننا، وفي نفس الوقت نشيل حمله عن كتافنا، وکمان ناخد فلوس مقابل أننا نديه لحد”
وأضاف: “أنا دورت على مجموعات على الفيسبوك لقيت مجموعة اسمها “تبني أطفال أيتام رغم بعد المسافات”، ونشرت عليه بعرض أن حد يتبنى طفل لسة مولود، وفعلا لقيت ناس دخلت تكلمني وتطلب مني، ومنهم واحد كلمني على الماسنجر قال إن اسمه مصطفى، وأنه بتاع قطع غيار عربيات، واتفق معايا أنه ياخد الطفل مني لما يتولد، وأنا طلبت 150 ألف جنيه وهو وافق”.
