رانيا يوسف عن أدوار الإغراء: مش وصمة عار

أكدت الممثلة المصرية رانيا يوسف أنها لا تمانع تقديم مشهد يحتوي على قبلات أو تظهر فيه بلباس السباحة "البكيني" إذا كان العمل يستدعي ذلك. وقالت رانيا يوسف، خلال لقاء مع برنامج "مصر جديدة" المذاع عبر قناة "ETC" الذي تقدمه الإعلامية إنجي أنور: "مفيش عندي خطوط حمراء لإني محترفة، وإذا الموقف يستدعي القبلة أو البكيني أو أجرأ من كده ليه لأ، أعمله طبعا لو في سياق العمل الدرامي أو السينمائي، وأنا عملت ده في فيلم واحد صحيح وفي ريكلام". وتابعت: "السيناريو مش قرآن ومش لازم كل حاجة تتعمل بحذافيرها، ممكن أناقش المخرج في المشاهد الثقيلة نخففها إزاي أو نعملها زي ما هي أو نشيلها، ويقنعني أو أقنعه". وعن رأيها في أدوار الإغراء قالت: "ده شغل ملوش دخل بالحياة الشخصية، ولو خايفة يقولوا إني ممثلة إغراء فممثلة إغراء مش شتيمة ولا وصمة عار". وأضافت: "أنا شخص طول عمري لا أبحث عن الأدوار السهلة وأبحث عن الحاجة الصعبة، ويمكن عشان كده لم أعتمد على إني إتجوزت منتج ممكن يساعدني، ولا بمكالمة تليفون واحدة". وعن رأي بناتها في أدوارها الجريئة قالت: "أنا متفاهمة مع بناتي وربيتهم على الحرية طالما إنها لا تؤذي الطرف الآخر ومش خارج حدود أخلاقنا". يذكر أن آخر أعمال رانيا يوسف مشاركتها في بطولة مسلسل "المماليك" تأليف هشام هلال وإخراج حازم فودة، بطولة بيومي فؤاد، فيدرا، رامي وحيد، عمر حسن يوسف ونانسي صلاح.

تاريخ النشر : 2022-01-18

0 ° 0

الأربعاء

الفجر	03:42
الظهر	11:39
العصر	03:16
المغرب	06:10
العشاء	07:36