اللي قال العمر لحظة
قالها جد ومش هزار
أيوه صح العمر لحظة
هيه لحظة . الانتصار
اللي فيها اشتد عودي
بعد شدة وانكســــار
نورت شمس الحياة
شفنا تاني الليل نهار
-----------------------------
اللي فيها الورد فتح
وفيها غيرنا المســـــار
اللي جيشنا عدا فيهــــا
وهد بأيديـــــه الجدار
وفي فيهـــــــا بالوعود
والعدو من أرضي غار
اللي قال العمر لحظة
قالها جد و مش هزار
-----------------------------
اللي فيها الدم عاد
يجري تاني في الوريد
اللي كان فيها الجهاد
ايد بتضرب من حديد
اللي كان فيها الولاد
نار بتحرق نار تبيد
اللي فيها الأم تهدي
حتة منها يموت شهيد
------------------------------
اللي فيها جيشنا صايم
أحلي شهر من الشهور
ع النبال في الميه عايم
يرسم لنـــا سكة عبور
والعدو م السكر نايم
عيد وغرقان في الخمور
صورة من بدر العظيمة
نصر زاد الدنيــــــــا نور
--------------------------------
العمر لحظة أيوه لحظة
اللي كان فيهــا القرار
اللي قال فيهــــا الرئيس
بعد ما شــــــار واستشار
اسرائيل دي مهما كانت
يجوا ايــــه جنب التتار
ربنا في كتابه قـــــــال
مش نجور غير علي جار
--------------------------------
السادات قال في خطاب
لسه بنشوفه بعينينــــــا
اللي راح بالقوة حتمـــاً
نرجعه تــــــاني بايديينا
بالسلاح مش بالمحايلة
امتي سلمنا ... انحنينا
امتي سيئنا في المعاملة
أو علي حد اعتدينــــــا
خدنا تـــــــارنا وانتصرنا
وبالسلام احنا ابتدينـــــا
-------------------------------
العمرايه غير لحظة حلوة
هيـــــــــه لحظة العبور
اللي فيهـا احنا انتصرنا
واتكسر فيهـــــــا الغرور
كان سلاحنـــا الله أكبر
بيه اتكتب أحلي السطور
العمر ايه غير لحظة حلوة
م السعادة .. و م السرور
---------------------------------
كلماتي / محمود إبراهيم
