عم فكاكة .. كلامه لذيد .. و معسّل!!
ده فكر استراتيجي يا جماعة .. احنا بنتكلم في إيه؟!!
إنزلولي.. إهتفولي .. غنولي .. فوضّوني.. حصّنوني إحضنوني .. يا نور عيوني .. إنتم مش عارفين غلاوتكو عندي والاّ إيه؟!
لو مش عارفين .. اسألوا عباس !!
خلّوا بالكو مني يا ناس.. أنا كل كلامي موزون بالشعرة عيشتكم سودة .. ليليتكم غبرة !!
على فكرة.. ده علم .. مش فكاكة.. إحنا عندنا رئيس مؤقت أقسم بالله العظيم .. و دستور معطل و ربنا المجيد .. و عندنا حالة طواريء، للوقت الطاريء !!
و عندنا حمادة مؤقت، و عبد الحميد.. و قطر الصعيد .. بابور الساعة 12 بسّ مُعطل.. و دوري طاهر أبو زيد كمان مُعطّل .. و عندنا إنقلاب مؤقت، ووزارة مؤقتة و كرامتكم مؤقتة .. و لقمة عيشكم مؤقتة و صحن الكشري.. وسندويتشات الفول و الطعمية كلهم مؤقتين من الآخر كده .. أنفاسكم الباقيالكم معدودة .. وأرزاقكم محدودة انتو أصلاً من الأساس ناس أوباش و مؤقتين !!
الحاجة الوحيدة الإستراتيجية في البلد دي هي تسريبات (رصد) عن الفكيك أول المُحصّن الوزير الكاريزما المعجزة .. عم فكاكة اللذيذ .. أبو كلام معسّل!! ***
